Tres xogadoras pontevedresas de rugby sub 14 conseguen disputar un Torneo Internacional de Rugbyen Florencia rompendo as normas italianas que non permiten os equipos mixtos e dando una lección de igualdade

Alejandra, Eva e Uxía conseguiron finalmente disputar o Torneo Internacionalde Città de Firenze de rugby ao que asistiran con toda a ilusión xunto cos seus compañeiros do equipo Pontevedra Rugby Club. Cal foi a súa sorpresa cando o día anterior o club organizador comunícalle ao adestrador do club de rugby pontevedrés, Alberto Fernández “Grifón”que a Federación Italiana de Rugby non permite os equipos mixtos a partir dos 11 anos “algo inaudito porque en Galicia permítese en todas as categorías inferiores, e é unha realidade totalmente normalizada”. Como manifesta o adestrador pontevedrés Alberto Fernández “Grifón” “prantexámonos seriamente non participar, por ética e por darlles unha lección de igualdade aos nenos, pero finalmente comparecemos o día seguinte no Trofeo porque pensamos que aínda había partido e que non estaba todo perdido”. Tras varios partidos disputados, cando el Pontevedra Rugby Club debuta no Torneo comenza a extenderse o rumor do ocurrido coas tres nenas, que incluso queceran co equipo. Tras duras negociacións co colexio arbitral, equipo anfitrión e árbitros deciden romper as normas en prol da igualdade e que as tres nenas pontevedresas xoguen co seu equipo. “En canto me comunican que se eu me responsabilizo as deixan xogar, decido sacalas ás tres xuntas formando as tres a primeira liña da melé, ao fronte do equipo” conta o adestrador pontevedrés que admite que nese intre respirábase a emoción no estadio “chegou a un punto de que cada xogada delas era seguida dunha ovación”. A primeira consecuencia da participación das nenas pontevedresas foi que outro dos equipos italianos sacou a xogar tamén a outra nena que por primeira vez puido xogar cos compañeiros cos que sempre adestra, e deixar de ser espectadora.