COMEZAN AS LIGAS GALEGAS DE RUGBY
OS NOVOS PROXECTOS
AS INTENCIÓNS DESTA WEB PARA A TEMPORADA
Longa pretemporada, moitas dores de cabeza e incertidumes co caso dos seguros pechado cunha victoria pirrica para o rugby galego; a OUTUBROFEST xa rematada con outro exito de público e vendas e olleiras e cansancio para @s voluntari@s; a Escola de Rugby Pontevedra crecendo día a día.
Liga Galega Senior
O primeiro en comezar a liga será o PRC senior. A temporada 2015/2016 ven con ilusións renovadas e visitando a un potentísimo C.R. Ferrol o sábado as 16:00 nos campos da Malata; rival moi forte para comezar, e con reforzos dende as illas británicas e o hemisferio sur; parecen firmes candidatos ó titulo nunha liga que de seguro será tan parella e emocionante coma o ano pasado, e que decidirá case todolos seus postos na última xornada.
A quen temos por Ferrol? Pois a moitos amigos, como en tódolos equipos, por alí anda Peque, incluso agora xa corre, alí está Paquito, ambos moi ligados a este clube, e tamén está Miguelón, que o ano pasado quixo desputar a liga u18 co PRC, agora xa no equipo senior da sua cidade; e moitos máis…
Coreti Lalín, CR Ferrol, Campus Ourense Coosur, CR Os Ingleses de Vilagarcía, Pontevedra Rugby Club, Mareantes RCP e Muralla RC de Lugo forman a Liga Galega de Rugby I.
Na LGR II loitarán polo ascenso: Keltia Ourense Rugby, Fendetestas RC As Pontes, C.R. Zalaeta Arteixo, Universidade de Vigo RC «B», Santiago RC, CRAT Coruña «B».
A proxima semana tanto u18 coma u14 comezan as suas ligas e en duas semanas serán os u16.
Escola de Rugby Pontevedra
Pero o principal deste clube e a nosa escola, podesdes acercarvos a probar o rugby en calquera momento do ano, dende os 5 anos, nenos e nenas.
A primeira oportunidade para desfrutar da base pontevedresa e da dos equipos de toda Galicia será na I Concentración de Escolas o 28 deste mes de Novembro en Arteixo.
NOVOS PROXECTOS: SOCIOS
Pronto teredes ó voso dispor os documentos para facerse socios do PRC, este ano esperamos consolidar unha sección que tiñamos un pouco deixada de lado, OS SOCIOS; poderedes apadriñar a un xogador ou xogadora e colaborar co clube, que este ano terá un gasto moito mayor que os pasados asumindo o brutal incremento das fichas senior. Pronto daremos tódalas formas de axudar ó rugby.
AS INTENCIÓNS DESTA WEB PARA A TEMPORADA
Queremos que este ano a web sexa funcional e un servicio para estar ó tanto de tódalas novidades do Club.
Os xoves pola mañá teredes os horarios e campos de tódolos partidos do clube, e os luns pola mañá a crónica. Para a inmediatez tedes os Facebook e o Twitter
Cando teñamos tempo tamén faremos algo de historia e algúns monograficos sobre os membros do clube. Estamos abertos tamén a que colaboredes con nos.
BOA TEMPORADA DE RUGBY.
