Temporada de alianzas e convenios para seguir medrando.
O equipo M14 xogará esta temporada cedido ao M14 de Ingleses Rugby Club, para garantir a seguridade dos e das xogadoras de ambos clubes, xa que de xogar por separado o farían moi mermados de participantes e contando sempre coa axuda de xogadores M12 de segundo ano. Din que a unión fai a forza e por iso estamos moi contentos co acordo.
Por outra banda, a baixa por lesións e cuestións laborais de varias xogadoras do feminino ademais da marcha de duas xogadoras , algo que nos enorgullece como club, para o equipo en División de Honra feminino , fai imposible que poidan competir a nivel na liga galega polo que nesta temporada o farán en combinación co equipo feminino do Vigo Rugby Club. Cun bo traballo e comunicación entre ambos equipos técnicos cremos que pode ser beneficioso para ambos clubes.
Sen embargo, o regreso de moitos xogadores que creceron na Escola, ao equipo sénior fainos pensar outra fórmula para darlle minutos a todos.Por iso e pola boa relación co Barbanza RC levounos a facer un acordo de colaboración entre clubes, e por iso, nesta temporada o noso equipo B será o Barbanza RC, un exemplo de perseverancia e paixón polo deporte. Estamos seguros de que será un gran acordo para sumar, ver outras formas de xogar, aprender e mellorar!!!!
Que bo comezo da tempada!!!
