O Pontevedra Rugby Club é unha entidade deportiva sen ánimo de lucro da Comunidade Autónoma de Galicia, con sede na cidade de Pontevedra.

O noso obxectivo é promover a práctica deportiva e, especialmente, o rugby en todas as súas modalidades, empregando o deporte como ferramenta para fomentar a igualdade, a inclusión, o respecto e a convivencia. Desenvolvemos actividades de formación, práctica deportiva e participación en competicións oficiais, creando espazos nos que todas as persoas teñan cabida.

Fundado no ano 2009, o Pontevedra Rugby Club naceu da iniciativa dun grupo de familias que quería que os seus fillos e fillas puidesen practicar o seu deporte favorito nun ambiente respectuoso, san e familiar.

Daquela ilusión xurdiu unha escola de rugby. Un proxecto construído desde a humildade, o traballo, o compromiso e a voluntariedade, que foi medrando co paso dos anos sen perder a esencia coa que naceu.

Hoxe seguimos medrando, formando xogadores e xogadoras e, sobre todo, construíndo equipo dentro e fóra do campo.

Porque para nós o rugby é moito máis que un deporte.

É unha forma de vivir, de compartir e de medrar xuntxs.

PONTE A LARANXA.
PONTEVEDRA RUGBY.

Con máis de 12 anos de existencia o Pontevedra Rugby e un club de referencia tanto nas categorías en formación, coma nos equipos sénior.

Os equipos séniors fórmanse, na sua maior parte, polo produto da escola de Rugby Pontevedra;xogadores e xogadoras nobres e ben preparados e preparadas que disfrutan do deporte que tanto lles deu, o rugby, no seu club de sempre, na súa casa.